ពាក្យសម្តីមិនល្អរបស់អ្នកដទៃ ៥ យ៉ាង ដែលយើងត្រូវចេះអត់ធ្មត់ជាមួយដើម្បីសម្រេចបំណងក្នុងផ្លូវល្អមួយ
សម្ដី (សំ-ដី) ( ន. ) ពាក្យដែលស្ដី, ដែលនិយាយ, ភាសា: សម្ដីពីរោះ, សម្ដីទន់; ចេះសម្ដី ។ សម្ដីសំដៅ (ម. ព. សំដៅ ប.) ។ ព. ទ. បុ. សម្ដីជាឯកលេខជាទោ អក្សរជាត្រី ចេះសម្ដីទុកជាទី ១ ចេះវិជ្ជាលេខទុកជាទី ២ ចេះសរសេរអក្សរល្អជាទី ៣ គឺការពូកែសម្ដីប្រសើរជាងការពូកែវិជ្ជាលេខនិងការពូកែសរសេរអក្សរល្អ ។ សម្ដី-សជាតិ មារយាទសត្រកូល (ម. ព. ស ២ កិ.) ។ សរសេរជា សំដី ក៏បាន។
ក្នុងជីវិត ដើម្បីសម្រេចបំណងក្នុងផ្លូវល្អមួយ យើងត្រូវចេះអត់ធ្មត់ជាមួយពាក្យសម្តីមិនល្អរបស់អ្នកដទៃ ៥ យ៉ាង ៖
១. គេនិយាយដើម្បីឱ្យយើងវង្វេងផ្លូវ។
២. គេនិយាយឱ្យយើងដើរក្នុងផ្លូវវិនាស។
៣. គេនិយាយសរសើរយើងក្នុងបំណងមិនល្អ។
៤. គេនិយាយដើម្បីរារំាងយើង។
៥. គេនិយាយឌឺដងផ្លែផ្កាប្រមាថដាក់យើង។
***ការនិយាយស្ដី ជារឿងដ៏សំខាន់មួយ ដែលមនុស្សគ្រប់រូបគួរតែយកចិត្តទុកដាក់ និងប្រុងប្រយ័ត្នឱ្យបានខ្ពស់បំផុត ព្រោះពាក្យសម្ដីមួយម៉ាត់អាចកំណត់ជោគវាសនាមនុស្សម្នាក់បាន។ មានន័យថា ពាក្យសម្តីយើងមួយម៉ាត់ អាចធ្វើឱ្យគេក្លាយជាបុគ្គលល្អប្រសើរបាន ហើយក៏អាចធ្វើឱ្យគេក្លាយជាបុគ្គលបាត់បង់អនាគតបានដែរ។ ដូច្នេះ ប្រសិនបើយើងមិនចង់ឃើញនរណាម្នាក់បាត់បង់អនាគត ដោយសារតែពាក្យសម្ដីមួយម៉ាត់របស់យើងទេ សូមកុំព្យាយាមនិយាយអាក្រក់ពីគេ កុំនិយាយវាយប្រហារគេ ហើយកុំទិតៀនគេក្នុងន័យជាន់ពន្លិច រួចលើកខ្លួនឯង។ សូមចាំថា គ្មាននរណាម្នាក់ចង់ឱ្យអ្នកដទៃនិយាយអាក្រក់អំពីខ្លួននោះទេ សូម្បីតែយើងខ្លួនឯងក៏ដូចគ្នាដែរ។ បើយើងចង់មានកេរ្តិ៍ឈ្មោះល្អ នោះអ្នកដទៃក៏គេចង់មានកេរ្តិ៍ឈ្មោះល្អដូចយើងដែរ។